سەرۆکێ حکومەتا ھەرێما کوردستان ملیاره‌ک و 500 ملیۆن دینار بۆ کەرتێ وەرزشی ل ھەردو قەزایێن ئاکرێ و بەردەرەش تەرخانکرینە، ب وی پاره‌یی یاریگه‌هێن وه‌رزشی ل وان قه‌زایان دێ پێ هێنه نووژه‌نكرن.
سەلاح ئیبراھیم، سەرۆکێ یانا ئاکرێ، دیار كرییه: پشتی سەره‌دانا سەرۆکێ حکومەتا ھەرێما کوردستانێ بۆ ھەردو قەزایێن ئاکرێ و بەردەڕەش وەکو دیاری بۆ وان ھەردو قەزایان، بریاردا ملیاره‌ک و 500 ملیۆن دیناران ته‌رخان بكه‌ت بۆ یاریگه‌هێن ئاکرێ و بەردەڕەش و گردەسین و دینارتە” كو ئه‌و یاریگه‌هه بهێنه نووژەن كرن و نوكه ھەر چار یاریگه‌هـ دهێنه نووژەنکرن و كارێ نوژه‌نكرنێ د قووناغێن دووماهییێ دانه و ل ده‌مه‌كێ نێزیک دا دێ کەڤنە د خزمەتا وەرزشڤانێن وێ دەڤەرێ دا”.
ناڤهاتی گۆت ژی: مه‌زاختنا وی پاره‌یی دێ خزمەته‌كا باش بۆ وەرزشڤانان و لاوێن وان ده‌ڤه‌ران كه‌ت، چونكی ئه‌و یاریگه‌هه د كه‌ڤن بوون و پێدڤی ب نووژەنکرنێ ھەبوون” ئەو چار یاریگه‌هێن نوكه دهێنه نووژەنکرن ل ھەردو قەزایێن ئاکرێ و بەردەڕەش و گردەسین و دینارتە یاریگه‌هێن 11 یاریزانینه.
