<h3></h3> <h3> ئاژانسا خانی:</h3> <h3></h3> <h3>بریکارێ وەزارەتا چاندنێ و ژێده‌رێن ئاڤێ ل حكومه‌تا هه‌رێما كوردستانی دیار كر: ل عێراقێ 11 ملیۆن دۆنه‌مێن ئه‌ردی بۆ چاندنا بەرھەمێن زڤستانی دهێنه بكارئینان، ل ھەرێما کوردستانێ ژی سێ ملیۆن دۆنه‌مێن ئه‌ردی بۆ چاندنا به‌رهه‌مێن زڤستانی دهێنه بكارئینان" پار جۆتیارێن هه‌رێما كوردستانێ دو ملیۆن و نیڤ دونه‌مێن ئه‌ردی كربوونه گه‌نم.</h3> <h3>کەریم سلێمان، زێده‌تر بۆ ئاژانسا خانی دبێژیت: لدووڤ پێشبینییان ئەڤ ساله دێ یا باش بیت بۆ چاندنێ و رێژەكا باش یا بارانان ژی دێ بارن و نوكه جۆتیار یێ به‌رهه‌ڤییان دكه‌ن بۆ وەرزێ چاندنا بەرھەمێن زڤستانی" ئه‌و به‌رهه‌مێ دهێته چاندن ژی پتریا وی به‌رهه‌می گه‌نمه.</h3> <h3>ناڤهاتی گۆت ژی: حکومەتا عێراقێ دیار كرییه" كو ئه‌ڤ ساله 11 ملیۆن دۆنه‌مێن ئه‌ردی بۆ بەرھەمێن زڤستانی دێ هێته بكارئینان ب ھەموو جۆرێن خۆڤه و پتر دێ بەرھەمێ گەنمی هێته چاندن و ل ھەرێما کوردستانێ ژی سێ ملیۆن دۆنه‌مێن ئه‌ردی بۆ بەرھەمێن زڤستانی و گەنمی دێ هێنه بكارئینان و ئه‌ڤ ساله وەرگرتنا بەرھەمێ گەنمی دێ ل سەر بنەمایێ تۆمارا جۆتیاران بیت و ئەو جۆتیارێن ناڤێن خۆ تۆمار نه‌کەن دێ بێ به‌هر بن ژ پرۆسا وەرگرتنا گەنمی ل سالا بهێت.</h3>
