سەرۆك مەسعود بارزانی ئەڤرۆ ل سەلاحەددین پێشوازی ل شاندەكێ بلند یێ هەڤپەیمانی (ئیئتلافی) حامورابی كر.
ژ لایێ خۆ ڤە ئەندامێن هەڤپەیمانییێ سوپاسییا سەرۆكی كر بۆ ڕۆلێ وی یێ سەرەكی ل بهانەیا گەهشتنا بریندارێن كارەساتا حەمدانیە، د دیدارێدا هەردوو لایان هەڤخەمییا خۆ بۆ كەسوكارێن قوربانییێن ڕوودانا دلتەزین یا ئاگربەربوونێ ل قەزا حەمدانیە ڕاگەهاند.
د كۆمبوونێدا ڕەوشا كریستیانێن كلدان و ئاشووری و سریان و ئەرمەنان ل عیراقێ و كوردستانێ و ب تایبەت ل دەشتا نەینەوا هاتە بەحسكرن.
هەروەسا ڕەوشا گشتییا سیاسییا عیراق و هەرێما كوردستانێ و بهێزكرنا بنەمایێن شەراكەت و هەڤسەنگی و ئێكڕێزییا سیاسی و پێكڤەژیانێ و سەقامگیرییا پێكهاتەیێن كوردستانێ هاتە گۆتۆبێژكرن.
سەرۆك بارزانی پشتەڤانییا خۆ بۆ كریستیان و هەمی پێكهاتەیان دووپات كر، پشتەڤانی ل پێناڤ مانا كریستیانان ل سەر جهێ باب و باپیران و كۆچنەكرنێ بۆ دەرڤەیی نیشتیمانی كر.
