یانه‌یا زاخۆ ره‌تكر ئۆفه‌ره‌ك پێشكێشى ئاسۆ رۆسته‌مى كربیت

به‌رپرسێ راگه‌هاندنا یانه‌یا زاخۆ ئه‌و نووچه‌یێن ل دۆر دانوستاندنێن یانه‌یێ دگه‌ل یاریكه‌رێ یانه‌یا شۆرته‌ ئاسۆ رۆسته‌مى به‌لاڤبووین ب نه‌وه‌یى ده‌رێخستن و گوت: وان چ دانوستاندن دگه‌ل یاریكه‌رى نه‌كرینه‌.

دلژار عه‌دنان به‌رپرسێ راگه‌هاندنا یانه‌یا زاخۆ بۆ ئاژانسا خانى دیاركر، چ راستى بۆ بابه‌تێ دانوستاندنێن دگه‌ل ئاسۆ رۆسته‌مى نینن و وان چ ئۆفه‌ر پێشكێشى وى یاریكه‌رى نه‌كرینه‌.

ژلایه‌كێ دیڤه‌ ل دۆر دانوستاندنێن دگه‌ل ئه‌مجه‌د عه‌توانى ئاشكراكر، هه‌تا نوكه‌ ئه‌و ل هیڤییا به‌رسڤا یاریكه‌رینه‌، عه‌توان یاریكه‌ره‌كێ خۆدان شیانه‌ و كاپتنێ هه‌لبژارتییێ عیراقێ یه‌ و دانوستاندن دگه‌ل وى یاریكه‌رى ب ساناهى نابن.

زێده‌تر گوت : تیما وان تمامبوویه‌ و ب تنێ دوو هه‌تا سێ یاریكه‌ران ماینه‌ و دێ هه‌موو ڤالاهییێن دتیمێدا هه‌ین هێنه‌ پركرن.