پارێزگارێ بەنكا ناڤەندییا عیراقێ ئاشكەراكر، بەنكا فیدڕالی یا ئەمریكا ژ قەبارێ وی پارەی سەرسورمان بوویە یێ ژ عیراقێ دچنە ژدەرڤە ب ناڤێ هناردەكرنا ئەندۆمییان.
عەلی عەلاق، پارێزگارێ بەنكا ناڤەندییا عیراقێ د لێدوانەكا ڕۆژنامەڤانیدا ئاشكەراكر، بەنكا فیدڕالی یا ئەمریكا د چارچووڤێ ڤەكۆلینێن خۆ دا ل عیراقێ بۆ دیاربوویە، ب ملیۆنان دۆلار ل بن ناڤێ هناردەكرنا ئەندۆمییان پارە بۆ ژدەرڤەی عیراقێ دەركەڤتینە و ئەڤێ یەكێ ژی گومان ل دەڤ وێ بەنكێ دروستكرینە.
گۆت ژی: بەنكا فیدڕالی یا ئەمریكا سەرسورمان بوویە كا چەوا ب ناڤێ هناردەكرنا ئەندۆمییان پارە ژ عیراقێ دچنە ژدەرڤە و لیژنێن ناڤدەولەتی پرسیارێ ژ بەنكا ناڤەندی دكەن بۆچی خەلكێ عیراقێ یێ نوكە هند حەژ خوارنا ئەندۆمییان دكەن!
