سه‌رۆك وەزیرێن عێراقێ بریار دا جڤاتا بلندا لاوان بهێته‌ پێكئینان

سەرۆک وەزیرێن عێراقێ بڕیارا پێکئینانا جڤاتا بلندا لاوان دا و راگەهاند، 60% ێ یا ئاكنجی یێن عێراقێ ل ژێر ژییێ 25 سالییێ دانه‌ و دڤێت مفایی ژ شییانێن وان وه‌ربگرین.

ئه‌ڤرۆ شه‌مبییێ” نڤێسینگەها راگەهاندنا سەرۆک وەزیرێن عێراقێ گۆت، ل رۆژا جیهانییا لاوان دا، محەمەد شیاع سوودانی، سەرۆک وەزیرێن عێراقێ بڕیارا پێكئینانا جڤاتا بلندا لاوان دا.

گۆتییه‌” ئه‌و جڤاته‌ ب سەرۆکاتییا سەرۆک وەزیرێن عێراقێ و وەزیرێ وەرزش و لاوان دێ بیتە جێگرێ سەرۆکێ وێ جڤاتێ، ب ئەندامه‌تییا هەر ئێك ژ وەزیرێن پلاندانانێ، دارایی، کاروبارێن جڤاكی، پەروەردە، خواندنا بلند و ره‌وشه‌نبیری.