ئیراق: دادگه‌هه‌كا تایبه‌ت دێ بۆ تاوانێن داعشێ هێته‌ پێكئینان

خانی نیوز:
ئیراق و نه‌ته‌وه‌یێن ئێكگرتى نها دانوستاندنان بۆ پێكئینانا دادگه‌هه‌كا تایبه‌ت ب تاوانێن رێكخستنا تیرۆرستییا داعشێ دكه‌ن.
حه‌سه‌ن كه‌ریم كه‌عبى، جێگرێ ئێكێ یێ سه‌رۆكێ جڤاتا نوونه‌رێن ئیراقێ دتویته‌كى دا راگه‌هاند، ئه‌وان دانوستاندن ل دۆر پێكئینانا دادگه‌هه‌كا تایبه‌ت ب تاوانێن داعشێ د گه‌ل شانده‌كێ نه‌ته‌وه‌یێن ئێكگرتى كرینه‌.
كه‌عبى ئاشكرا كر، ده‌مه‌كێ نێزیك ئه‌و دادگه‌هـ دێ هێته‌ پێكئینان و ئه‌و گاڤا قانوونى به‌لگه‌یه‌ كو داعش سه‌ر ب چو ئۆل و مه‌زهه‌بان ڤه‌ نینه‌ و ئه‌و دخوازن وێ یه‌كێ ب قانوونێ پشتراست بكه‌ن.
ل گۆره‌ى گۆتنا به‌رپرسێن ئیراقێ، ئه‌و دادگه‌هـ دێ ڤه‌كۆلینێ ل تاوانێن داعشێ كه‌ت، ئه‌و یه‌ك ژى د ده‌مه‌كى دایه‌ كو ب سه‌دان تیرۆرستێن داعشێ ژ ئالیێ هێزێن ئیراقى ڤه‌ هاتینه‌ ده‌سته‌سه‌ركرن و ب ده‌هان چه‌كدارێن بیانى د ناڤ دا هه‌نه‌.