دادگه‌ها عێراقی بریارا زیندانكرنێ بۆ به‌رپرسه‌كێ وه‌قفا سوننی ده‌ركر

ئه‌ڤرۆ شه‌مبییێ‌ 1 ی ته‌موزا 2023 ێ” فه‌رمانگه‌ها ڤه‌كۆلینا ده‌سته‌یا ده‌ستپاكییا فیدڕالی دیار كر‌، دادگه‌ها تاوانێن سه‌لاحه‌دین بڕیارا 17 سالێن زیندانكرنێ بۆ جێگرێ رێڤه‌به‌رێ گشتییێ فه‌رمانگه‌ها ئه‌ندازه‌یا دیوانا وه‌قفا سوننی ب‌ تۆمه‌تا گه‌نده‌لییێ و ب هه‌ده‌ردانا دارایییا گشتی ده‌ركرییه‌.

هه‌روه‌سا گۆتییه‌” تۆمه‌تباربوویه‌ ئه‌گه‌رێ ب هه‌ده‌ردانێ د بجهئینانا ژماره‌كا منارێن ئاسنی ل مزگه‌فتێن سه‌رانسه‌ری پارێزگه‌ها سه‌لاحه‌دین، سه‌رجه‌مێ گشتییێ وی پاره‌یێ د بجهئینانا وی پڕۆژه‌یی دا” یێ كو وی كه‌سی ب هه‌ده‌ردایی لدووڤ لژنا‌ پسپۆر ملیاره‌ك و پێنج سه‌د و سهـ و شه‌ش ملیۆن و پێنج سه‌د هزار دینارن.