<h3 style="text-align: justify;"><span style="font-size: 18pt;">وه‌زاره‌تا نه‌فتا عیراقی ئامارێن دووماهى هنارده و داهاتێ نه‌فتا هه‌یڤا گۆلانا بوورى به‌لاڤكرن و دبێژیت: داهاتێ هه‌یڤا بوورى ژ حه‌فت ملیار دۆلاران زێده‌تربوو.</span></h3> <h3 style="text-align: justify;"><span style="font-size: 18pt;">وه‌زاره‌تا نه‌فتا عیراقێ دراگه‌هاندنه‌كێدا ئامارێن دووماهییێ یێن هنارتن و داهاتێ نه‌فتێ ل هه‌یڤا بوورى دیاركرن، ل دووڤ ئامارێن كۆمپانییا فرۆتنا نه‌فتا عیراقێ ( سۆمۆ )، ل هه‌یڤا بوورى 102 ملیۆن و 463 هزار و 387 به‌رمیل هاتینه فرۆتن، داهاتێ وان به‌رمیلان ژى گه‌هشته حه‌فت ملیار و 324 ملیۆن دۆلاران.</span></h3> <h3 style="text-align: justify;"><span style="font-size: 18pt;">ل دووڤ راگه‌هاندنا وه‌زاره‌تا نه‌فتا عیراقێ، سه‌رجه‌مێ نه‌فتا ژ كێلگه‌هێن ناڤه‌راست و باشوورێ عیراقێ ل هه‌یڤا بوورى هاتییه هنارتن گه‌هشته 102 ملیۆن و 206 هزار و 413 به‌رمیلان، هه‌روه‌سا 256 هزار و 974 به‌رمیل بۆ ئوردنێ هاتینه هنارتن، هه‌ر به‌رمیله‌كا وێ نه‌فتێ ب رێكا 39 كۆمپانییێن جیهانێ ب ( 71.485 ) دۆلاران هاتییه فرۆتن.</span></h3>
