رێواز فایه‌ق سه‌رۆكا په‌رله‌مانێ كوردستانێ ل دۆر رێككه‌ڤتنا هه‌رێما كوردستانێ و حكومه‌تا ناڤه‌ندى د په‌یامه‌كێدا راگه‌هاند، په‌رله‌مانێ كوردستانێ پێشوازییێ ل رێككه‌ڤتنێ دكه‌ت و ب گه‌رمى پیرۆزباهییێ ل گه‌لێ كوردستان و عیراقێ دكه‌ت.
رێواز فایه‌ق گوت ژى: گه‌لێ كوردستانێ سالێن سه‌ختێن قه‌یرانان ژبه‌ر هه‌ڤركییێن تایبه‌ت ب كه‌یسا په‌ترۆل و گازێ ده‌ربازكرن، له‌وما ملله‌ت چاڤه‌رێى هه‌موو لایه‌كییه كو قووناغه‌كا نوو یا پشتراستى و ئارامییێ و به‌رقه‌رار بكه‌ن و دادپه‌روه‌ری دناڤبه‌را ته‌خ و چینێن كۆمه‌لگه‌هێ و هه‌موو باژێر و باژێركاندا به‌رده‌ست بیت.
سه‌رۆكا په‌رله‌مانێ كوردستانێ دیار ژى كر، وه‌كو كا چه‌وا پێداگیرییێ ل سه‌ر شایسته‌یێن هه‌رێما كوردستانێ دناڤ بودجه‌یا عیراقێدا كه‌ن و وه‌ك سه‌نه‌دا ده‌ستوورى و قانوونى بۆ بده‌ستڤه‌ئینانا وان دێ پشتبه‌ستنێ ل سه‌ر قانوونا بودجه‌ى كه‌ن، دڤێت ب هه‌مان لۆژیك و بنه‌ما ل سه‌ر هندێ د پێداگیر بین كو پێدڤییه حكومه‌تا هه‌رێمێ پرۆژه قانوونا بودجه‌ى نوكه و ل پاشه‌رۆژێ بهێنریته په‌رله‌مانى، و ئه‌و هه‌موو پابه‌ندى قانوونا خوه بن و بجهبینن.
