هەر ئێک ژ سەرۆکوەزیران و سەرۆککۆمارێ عیراقێ، دانوستاندن ل سەر پرسێن سیاسی، ئابووری و ئەمنی کرن و ل سەر دۆسەیا بودجەیا گشتی یا عیراقێ و پێشکێشکرنا خزمەتگوزارییان بۆ وەلاتیان ئاخڤتن.
ل گۆرەی ڕاگەهاندنەکا نڤیسینگەها ڕاگەهاندنا سەرۆکوەزیرێن عیراقێ کو ئاماژەکریە، محەمەد شیاع سوودانی پێشوازی ل لەتیف ڕەشید، سەرۆککۆمارێ عیراقێ کە و د کۆمبوونەکێدا گوتوبێژ ل سەر پرسا بلەز پەسەندکرنا بودجەیا گشتی یا عیراقێ کر، کو پەیوەندییەکا ڕاستەوخۆ ب ژیانا عیراقییانڤە هەیە، هەر وەسا ئاماژە ب گرنگییا پرسێن ژینگەهـ، سیاسی، ئەمنی و ئابووری کر.
د تەوەرەکێ دی یێ کۆمبوونێا سوودانی و لەتیف رەشید دا، گرنگییا سەقامگیرییا ئەمنی یا عیراقێ هاتە گوتوبێژکرن، هەروەسا سەرۆککۆمارێ عیراقێ دەرئەنجامێ سەرەدانا خۆ بۆ نیویۆرک و پشکداربوونا وان د کوربەندێ ئاڤێدا، کو ژ لایێ نەتەوەیێن ئێکگرتیڤە هاتبوو رێکخستن، بۆ سوودانی بەرچاڤکر.
