ئەڤڕۆ دوشەمبی 13 ی ئادارا 2023 ێ” ل سەلاحەددین سەرۆک مەسعود بارزانی، پێشوازی ل شاندی فیدڕاسیۆنا نیشتیمانی یا جەنگاوەرێن دێرین یێن فرەنسا کر کو پێکهاتبوون ژ فیلیپ دولارب سکرتێر و سێناتۆر لوی دوڤێرنوا و جەنەڕال تینۆدۆر ئارفارا ئەندامێن وێ فیدڕاسیۆنێ.
د وێ دیدارێ دا شاندێ مێهڤان پێزانین بۆ خەبات و ماندوبوون و قوربانیدانا سەرۆک بارزانی و پێشمەرگە و گەلێ کوردستانێ هەبوون و ته‌كه‌زی ل بەردەوامییا دۆستایەتی و پەیوەندی و برایەتییا دناڤبه‌را گەلێ فرەنسا و گەلێ کوردستانێ دا کرییە.
ب مەره‌ما بلند راگرتنا خەباتا پێشمەرگەیی و به‌رفره‌هکرنا پەیوەندی یێن دناڤبه‌را گەلێ کوردستانێ و گەلێ فرەنسا کۆمەكا بوچۆون و پێشنییاران خستنا به‌رچاڤ.
د وێ کۆمبوونێ دا سەرۆک بارزانی دۆستایەتییا دناڤبه‌را گەلێ کوردستانێ و گەل و حکومەتێن فرەنسا ب مێژوویی و دێرین وەسف کر و زێده‌باری ئاماژەدان ب چەندین نموونێن مێژوویی و سەره‌دانا سەرۆک ئۆلاند و سەرۆک ماکرۆن، سوپاسییا گەل و دەوله‌تا فرەنسا کر کو هەرده‌م پشته‌ڤان و دۆسته‌كێ مه‌زن یێ گەلێ کوردستانێ بوویە.
