ب مخابنیڤه دووهى ب شه‌ڤ ژ ئه‌نجامێ روودانه‌كا دلته‌زینا هاتنوچوونێ، پێنج كه‌سان ژ ئێك خێزان گیانێ خوه ژ ده‌ستدا، و دماوێ ب تنێ پێنج رۆژان ژی دا 16 كه‌س ل هه‌رێما كوردستانێ ژ ئه‌گه‌رێ روودانێن هاتنوچوونێ بوونه قوربانى، سه‌ره‌خۆشی و هه‌ڤخه‌مییا خوه ئاراسته‌یى كه‌سوكار و بنه‌مالێن قوربانییان دكه‌م و هه‌ڤپشكێ خه‌ما وانم و هیڤییا ساخبوونا بله‌ز بۆ برینداران دخوازم.
جهێ دلگرانى و مخابنییه‌كا مه‌زنه، سالانه ژماره‌یه‌كا مه‌زن یا خه‌لكى ل هه‌رێما كوردستانێ ژ ئه‌نجامێ روودانێن هاتنوچوونێ گیانێ خوه ژ ده‌ست دده‌ن، له‌وما داخوازێ ژ وه‌لاتى و شۆفێران دكه‌م، پابه‌ندى رێنمایێن هاتنوچوونێ بن و خوه و كه‌سوكارێن خوه ب پارێزن.
دهه‌مان ده‌مدا دڤێت وه‌زاره‌تا ناڤخۆ ژى پێداچوونێ د سیسته‌مێ هاتنوچوونێدا ب گشتى و رێنما و قانوونێن هاتنوچوون و رێكان بكه‌ت، و رێكارێن پێدانا موله‌تا شۆفێرییێ توندتر لێ بكه‌ن، پێدڤییه هه‌موو رێكار و ئاماده‌كارى بۆ سنۆرداركرنا روودانێن هاتنوچوونێ و پشتراستبوون ژ پابه‌ندبوونا هه‌موویان ژ مه‌رجێن سلامه‌تییا قانوونێن هاتنوچوونێ بكه‌ن.
