ئیران دبێژیت ئه‌م گه‌هشتینه‌ رێككه‌فتنێ و ئه‌مریكا ژی ره‌تدكه‌ت

ئیران دبێژیت، ئه‌م ل گه‌ل ئەمریکا گەهشتینە رێککەفتنێ بۆ لێك گۆهارتنا زیندانییان و د بەرامبەر دا ئەمریکا دبێژیت، ئەو نووچه‌یه‌ دووره‌ ژ راستییێ.”

ئه‌ڤرۆ ئیكشه‌مبی 12 ی ئادارا 2023 ێ” حسێن ئه‌مير عه‌بدولـلا‌هيان وه‌زيرێ ده‌رڤه‌ يێ ئيرانێ راگه‌هاند؛ ئيران و ئه‌مريكا گه‌هشتینه‌ رێككه‌فتنه‌كا ده‌ستپێكى بۆ لێك گوهارتنا زيندانييان و گۆت ئيران هیڤی دكه‌ت ئه‌و رێككه‌فتنه‌ بۆ ده‌ستپێكرنا پرۆسێسا لێك گوهارتنا زيندانييان ل ده‌مه‌كێ نێزيك يا هاريكار بيت.

نێد پرایس، په‌یڤدارا وەزارەتا دەرڤه‌ یا ئەمریکا گۆت، مه‌ چ رێککەفتنێن تایبه‌ت ل گەل ئیرانێ ب لێك گۆهارتنا زیندانییان نەکرینە و ده‌ربارەیی وان دەنگۆیان دبێژیت، “دره‌وه‌كا زیقە.”