خانی نیوز:
بۆرییه‌كا ستراتیجی یا په‌ترۆلێ ئه‌ڤرۆ ل ناڤچه‌یا مه‌سعیده یا پارێزگه‌ها موسه‌ننا ل باشۆرێ ئیراقێ په‌قی، دو كه‌س هاتینه كوشتن و نێزیكی بیست كه‌سان ژى بریندارن.
ل گۆره‌ى ئاگاهیێن هێزێن ئێمناهیێ، بۆرییه‌كا ستراتیجی یا ڤه‌گوهاستنا په‌ترۆلێ ئه‌ڤرۆ ل ناڤچه‌یا مه‌سعیده ل سه‌ر رێكا سه‌ره‌كی یا پارێزگه‌ها موسه‌ننا په‌قی، دو كه‌س هاتینه كوشتن و نزیكی بیست كه‌سێن دی ژى برینداربووینه و چه‌كدارێن میلیشیایێن حه‌شدا شه‌عبی تێدانه.
هێزێن ئێمناهییا ئیراقێ دیار ژی كر، هێزێن به‌رگرییا مه‌ده‌نی تا نها ل سه‌ر ئاگرڤه‌مراندنێ به‌رده‌وامن و تا نها زیانێن ماددی و مرۆڤی ب دروستی نه‌هاتینه زانین.
مه‌دیایێن ئیراقی ژی ئاماژێ ب وێ یه‌كێ دكه‌ن، باره‌گایێ میلیشیایێن حه‌شدا شه‌عبی ل نێزیك بۆریا په‌ترۆلێ هه‌بوون.
موسه‌ننا: بۆریه‌كا په‌ترۆلێ په‌قى و 20 كه‌س بوونه قۆربانی
