خانی نیوز:
ئازەربیجان و ئەرمەنستان رێککەفتن کو گاڤێن بلەز ل دۆر شەر و ھەڤڕکیێن ل ھەرێما قەرباخ بھاڤێژن و ژ وانا دوورکەفتن ژ ئارمانجکرنا سڤیلان و لێکگۆھارتنا ئێخسیر و تەرمێن کوشتیان.
ھەر ئێک ژ رۆسیا و ئەمریکا و فرەنسا، سەرۆکێن کۆما نیسکیا رێکخستنا ئاساییش و ھەڤکاریا ئەورۆپا د بەیانەکا ھەڤپشک دا راگەھاند، ژ ئەنجامێ دانوستاندنێن د ناڤبەرا وەزیرێن دەرڤەیێن ئازەربیجانێ و ئەر‌مەنستانێ ل باژارێ جنێڤ، ھەردو وەلات گەھشتن رێککەفتنێ کو گاڤێن بلەز بۆ چارەکرنا ھەڤرکیا ل ھەرێما قەرەباخ بھاڤێژن.
ل گۆرەی بەیانا ھەڤپشکیا کۆما نیسک، ئازەربیجان و ئەرمەنستان رێککەفتینە کو سڤیلان و سازیێن نە سەربازی نەکەنە ئارمانج و ھەڤڕکیا وان ل گۆرەی قانوونا ناڤدەولەتییا مرۆڤاتی بھێتە کرن.
ئازەربیجان و ئەرمەنستان ل دۆر چارەکرنا ھەڤرکیا قەرەباخێ رێککەفتن
