ده‌سته‌یا ده‌سپاكیا عیراقێ راگه‌هاند، سزایێ زیندانیكرنێ ل سه‌ر كازم فنجان ئه‌لحه‌مامى سه‌پاند، كو ل سه‌رده‌مێ حه‌یده‌ر عه‌بادى وه‌زیرێ ڤه‌گوهاستنێ بوو.
ده‌سته‌یا ده‌ستپاكیا عیراقێ د هژمارا خۆ یا فه‌یسبوكیدا راگه‌هاندیه، دادگه‌ها تاوانێن به‌رهنگابوونا گه‌نده‌لیێ بێیى ئاماده‌بوونا تاوانبارى، سزایێ زیندانكرنا دوو سالان ، ل سه‌ر كازم فنجان ئه‌لحه‌مامى، وه‌زیرێ به‌رێ یێ ڤه‌گوهاستنێ ل عیراقێ سه‌پاند، چونكى ب مه‌ره‌م ئه‌ركێن خۆ پێشێلكرینه.
د راگه‌هاندنێدا هاتیه، تاوانبارى پشتى ئه‌نجامدانا گرێبه‌سته‌كێ دناڤبه‌را كۆمپانیا گشتى بۆ به‌نده‌رێن عیراق و كۆمپانیه‌ك بۆ كرێكرنا پارچه‌كا ئه‌ردى كو رووبه‌رێ وێ 67 هزار مه‌ترێن چارگوشه‌نه، ل به‌نده‌رێ موعه‌قه‌ل، ب مه‌ره‌ما دامه‌زراندنا كۆمه‌لگه‌ها عه‌له‌مه‌ین، ئه‌ڤه ب پێشێلكرنا یاسایێ هاتیه ناڤكرن.
دیار ژى كریه، دادگه‌هێ به‌لگه‌یێن وێ دۆسه‌یێ ئاشكراكرینه، و سزا ل سه‌ر تاوانبارى سه‌پاندیه. هه‌روه‌سا قه‌ره‌بوویا مافێ لایه‌نێ زیانڤێكه‌فتى دێ هێته‌كرن.
