سه‌رۆك بارزانى ل پیرمام پێشوازى ل ئیلبرۆس كوتراشیڤ بالیۆزێ رووسیا ل عیراقێ كر.
د دیداره‌كێدا كو ماكسین رۆبێن كونسۆلێ رووسیا ل هه‌ولێرێ تێدا یێ به‌رهه‌ڤبوو، هزر و بیر ل دۆر ره‌وشیا سیاسى و گوهۆرینا هاوكێشه‌یان ل سه‌ر ئاستێن جیهانى و هه‌رێمایه‌تى هاتنه گوهۆرین، هه‌روه‌سا به‌حسا پرۆسه‌یا سیاسییا عیراقێ و بزاڤێن حكومه‌تا نوو یا عیراقێ بۆ ده‌ربازكرنا ئاسته‌نگ و هه‌ڤركییان هاته‌كرن.
دهه‌مان دیداردا ره‌وشا ناڤخۆ یا هه‌رێما كوردستانێ هاته گوتوبێژكرن، و سه‌رۆك بارزانى دووپاتكر، نابیت چ جۆره ناكوكییه‌كا سیاسى كارتێكرنێ ل پرۆسه‌یا هه‌لبژارتنان بكه‌ت، و پێدڤییه ئه‌ڤساله هه‌لبژارتن ل هه‌رێما كوردستانێ ب رێڤه‌بچن.
د پشكه‌كا دییا كۆمبوونێدا مه‌ترسییێن هزرى و تۆندره‌وى و تیرۆر كه‌ڤتنه به‌ر گوتوبێژان، و سه‌رۆك بارزانى ئاماژه ب هندێ دا، فه‌رهه‌نگ و بیرۆباوه‌رێن خه‌لكێ كوردستانێ رێك نه‌دا كو تۆندره‌وى و هزرا تیرۆرێ جهێ خوه ل كۆمه‌لگه‌ها كوردستانێ بكه‌ت.
په‌یوه‌ندییێن دناڤبه‌را رووسیا و هه‌رێما كوردستانێ و عیراقێدا ته‌وه‌ره‌كێ دییێ كۆمبوونێ بوو.
