سەرۆکێ ئێکەتییا زەلامێن کوردستانێ: ئەڤ سالە ٤٨ زەلام ھاتینە کوشتن

ئاژانسا خانی ” تایبەت:

سەرۆکێ ئێکەتییا زەلامێن کوردستانێ ئاشکرا کر، ئەڤ سالە ٤٨ زەلام ھاتینە کوشتن و پێنج زەلام ژی ژلایێ خێزانێن وانڤە ب ھەڤکارییا کەسێن دی ھاتینە کوشتن ھەروەسا دبێژیت، ئەگەرێن توندوتیژییا ل ھەمبەری زەلامان سۆشیال میدیا و دەستێوەردانا دەروبەرە.

بورھان عەلی، سەرۆکێ ئێکەتییا زەلامێن کوردستانێ بۆ ئاژانسا خانی دیارکر” ئەڤ سالە ھەتا ھەیڤا ١١ رێژا توندوتیژیێ ل ھەرێما کوردستانێ ھەمبەر زەلامان گەھشتییە ٤٢٣ سکالا ل ھەموو لقێن ئێکەتیا زەلامان ھاتینە تۆمار کرن، مخابن ھەر ل سالا بۆری ٤٨ حالەتێن خوە کوشتنا زەلامان و پێنج حالەتێن کوشتنا زەلامان ھەبووینە، ل گەل سالا بۆری رێژەکا کێم یا ئامارێن توندوتیژییێ داکەفتینه‌.

ناڤهاتی گۆت ژی” ئەگەرێن توندوتیژیێ ھەمبەر زەلامان زۆرن، بەلێ ھندەک ئەگەرێن دیار ھەنە” ژوان ژی سۆشیال میدیا و دەستێوەردانا کەس و کارێن خێزانێ ژی ئەگەرەکێ دییە، ھەروەسا ھەبوونا زارۆیان دناڤبەرا وان ژن و زەلامێن جۆدا دبن ئێکە ژ ئاریشێن سەرەکی، چونکی لدووڤ قانوونا بارێ کەسی کچ ھەتا دچیتە پرۆسا ھەڤژینیێ و کوڕ ھەتا دبیتە ١٨ سال نەفەقە ل سەر بابێ، بەلێ مخابن باب ھەنە ب سالان و ھەیڤان و زارۆیێن خوە نابینن.