بەنكا ناڤدەولەتی هۆشداری ژ كێمبوونا ئاڤێ ل عیراقێ ددەت و راگەهاند، ئەگەر رێكارێن پێدڤی نەهێنە هاڤێتن، كەرتێ ئاڤێ ل عیراقێ دێ تووشی زیانێن مەزن بیت.
سەلیم رۆحانا، رێڤەبەرێ هەرێما فەرمانگەها رۆژهەلاتی یا بانكا ناڤدەولەتی د راگەهاندنەكێ دا دیاركر، ب ئەگەرێ گۆهورینێن سەقای، كێمبوونا بارانبارینێ و ب هەدەردانا ئاڤێ دبیت هەتا سالا 2040ێ عیراق 20% یا ئاڤا خوە ژدەستبدەت و كارتێكرنەكا مەزن دێ ل سەر ژیانا جوتیاران درۆست بیت.
پێشتر ژی چەند شارەزایەكان و لایەنێن پەیوەندیدار هۆشداری ل دۆر كێمبوونا ئاستێ ئاڤێ ل عیراقێ دایە و ل دویڤ داتایێن سالێن بووری ئاڤا رووبارێن دیجلە و فۆرات ب رێژا 50% كێم بوویە.
