مه‌سرور بارزانى و توبیاس لیندنه‌ر ب تله‌فۆنێ دگه‌ل ئێك ئاخڤتن

سه‌رۆكێ حكومه‌تا هه‌رێما كوردستانێ راگه‌هاند كو ئه‌و و توبیاس لیندنه‌ر وه‌زیرێ ده‌وله‌تێ ل وه‌زاره‌تا ده‌رڤه‌ یا ئه‌لمانیا ب تله‌فۆنێ دگه‌ل ئێك ئاخڤتن.

مه‌سرور بارزانى سه‌رۆكێ حكومه‌تا هه‌رێما كوردستانێ دیاركر، وه‌زیرێ ده‌وله‌تێ ل وه‌زاره‌تا ده‌رڤه‌ یا ئه‌لمانیا ئیدانه‌یا هێرشێن ئه‌ڤێ دووماهییێ یێن سه‌ر هه‌رێما كوردستانێ كر و راگه‌هاند، ده‌ربازكرنا سه‌روه‌رییا ئاخا عیراق و هه‌رێما كوردستانێ ناهێته‌ قه‌بوولكرن و بۆ ئه‌ڤێ مه‌ره‌مێ ژ نێزیك چاڤدێرییا روودانان دكه‌ن.

هه‌روه‌سا مه‌سرور بارزانى ئاشكراكر، وه‌زیرێ ده‌وله‌تێ ل وه‌زاره‌تا ده‌رڤه‌ یا ئه‌لمانیا پشته‌ڤانییا وه‌لاتێ خوه‌ بۆ سه‌قامگێربوونا ره‌وشا عیراق و هه‌رێما كوردستانێ و پێكئینانا حكومه‌ته‌كێ كو ره‌نگڤه‌دانا ئه‌نجامێن هه‌لبژارتنان و رێزگرتن ل دیموكراسییه‌تێ بیت ده‌ربرى، هه‌روه‌سا پشتراستیدا كو هێزێن ئه‌لمانیا دێ ل عیراق و هه‌رێما كوردستانێ مینن پشتى به‌رده‌وامبوونا ئه‌وان ژلایێ په‌رله‌مانێ ئه‌لمانیاڤه‌ هاتییه‌ په‌سه‌ندكرن.

سه‌رۆكێ حكومه‌تێ ئاماژه‌ ب هندێ دا، ئه‌وى سوپاسییا پشته‌ڤانییا به‌رده‌وام یا حكومه‌ت و خه‌لكێ ئه‌لمانیا كر و حه‌زا هه‌رێما كوردستانێ بۆ پێشڤه‌برنا په‌یوه‌ندییان دگه‌ل ئه‌لمانیا دووپاتكر.