ئاژانسا خانی: تایبەت
پەیڤدارێ وەزارەتا بازرگانی یا عیراقێ بۆ ئاژانسا خانی گۆت: ئاهێن خوارنێ بۆ هەیڤێن بهێت یێن ئەڤسالە د دابینكرینە و هەیڤانە دێ ب سەر وەلاتییان دا هێنە دابەشكرن.
محەمەد حەننوون، پەیڤدارێ وەزارەتا بازرگانی یا عیراقێ دیار ژی كر، د دەستپێكا ئەڤسالە دا هەتا نوكە، هەشت جاران ئاهێن خوارنێ ب سەر وەلاتییان دا هاتینە دابەشكرن و بابەتێن خوراكی بۆ هەیڤێن بهێت ژی ژ ئەڤسالە د دابینكرینە.
گۆت ژی: د نوكە دا ئەو لگەل لژنا دارایی و ئابووری یا پەرلەمانێ عیراقێ كاردكەن ژبۆ وێ یەكێ پارێ پێدڤی بۆ كرینا ئاهێن خوارنێ دناڤ بودجەیا سالا بهێت دا بهێتە دابینكرن.
ناڤهاتی ئاشكەرا ژی كر: . بابەتێن خوراكی پێكهاتینە ژ برنج و زەیت و نیسك و نوك و فاسۆلی و دۆشاڤا تەماتێ. هه‌روه‌سا پاره‌یێ تایبه‌ت بۆ كرینا گه‌نمی هاتییە دابینكرن دا تووشی چ قه‌یرانێن خوراكی نه‌بین.
