ژ بەر گرانییێ فرۆشگەها قوتابخانەکێ ل دێرەلۆکێ هاتە داخستن

کاروان حاجی  بەرپرسێ بنگەهێ چاڤدێرییا بازرگانی ل ئامێدییێ، و سەرۆکێ لژنا ئابوورییا قەزایێ بۆ ئاژانسا خانی دیارکر، وان فرۆشگەها قوتابخانەکی ل ناحییا دێرەلۆکێ داخست ژ بەرکو كه‌لوپه‌ل ژ بازاری گرانتر د فرۆتن.

و گوت : مه‌ ئه‌ڤرۆ 12ى چریا ئێكێ 2022ێ سەرەدانا چەند مارکێت و جهێن بازرگانی ل سنۆرێ ناحییا دێرەلوکێ کر، و تێدا فروشگەها قوتابخانەکێ هاتە داخستن ژبەر گرانکرنا بهایێ کەلوپەلان و پێگری نەکرن ب رێنمایێن لژنێ.

و دیار ژی کر، جهەکێ بازرگانی هاتە سزادان ژبەر نەپێگری کرن ب رێنمایان، ناڤهاتی تەکەزی ل هەموو جهێن بازرگانی کر، کو ل دووڤ رێنمایان کاربکەن ژ بۆ پاراستنا ساخلەمییا وەلاتییان، داخاز ژی کر، هەموو جهێن بازرگانی و مولەتێن خوە یێن کاری درووست بکەن و نوو بکەن.