مه‌ترسییا ژ ده‌ستدانا هه‌ردو چاڤان ل سه‌ر هونه‌رمه‌ند عه‌بدولسه‌لامی هه‌یه‌‌

ئاژانسا خانی ، زنار تۆڤی:

ئه‌ڤین حسێن” به‌رپرسا سه‌ندیكا هونه‌ر‌مه‌ندێن كوردستانێ/ لقێ دهۆك” بۆ ئاژانسا خانی دیار كر: كو ره‌وشا ساخله‌مییا هونه‌رمه‌ند هونه‌رمه‌ند عه‌بدولسه‌لام سلێمان یێ ناسیار ب ‌”عه‌بۆ” نه‌ یا جێگیره‌ و ژ ئه‌گه‌رێ‌ نه‌ باشییا ساخله‌مییا وی هاتییه‌ هنارتن بۆ نەخۆشخانێ” داكو چاره‌سه‌رییا چاڤێن وی بهێنه‌ كرن” د هه‌مان ده‌مدا نۆشدارێن چاڤان ل دهۆكێ چاڤدێرییا وی دكه‌ن و هه‌روه‌سا مه‌ لبه‌ره‌  پشكنینێن وی بهنێرینه‌ ده‌رڤه‌یی وه‌لاتی” ژ پێخه‌مه‌ت بزانین دێ چاره‌سه‌رییا وی ل كیڤه‌ هێته‌ كرن.

ناڤهاتییێ گۆت ژی: ئه‌ڤه‌ ده‌مه‌كێ درێژه‌ هونه‌رمه‌ند عەبدولسەلام ژ ئه‌گه‌رێ تێكچوونا چاڤێن وی چاره‌سه‌رییان وه‌ردگریت، ب ره‌نگه‌كی د نوكه‌ دا مەترسییا ژ دەستدانا هه‌ردو چاڤان ل سه‌ر هه‌یه‌، دیسان نوكه‌ ژی هاتییه‌‌ رەوانەكرن بۆ نەخۆشخانێ و ل ژێر چارەسەرییێ دایە.