بۆردومانێن ئیرانێ بو سه‌ر ئاخا هه‌رێما كوردستانی برگه‌كا كۆمبوونا ئه‌ڤرۆ یا جڤاتا نونه‌رێن عیراقێ یه.
شاخه‌وان عبدولله جێگرێ دووێ یێ سه‌رۆكێ په‌رله‌مانێ عیراقێ دبێژیت: په‌له‌مان داخوازێ ژ حكومه‌تا عیراقی دكه‌ت ئاشكرا بكه‌ت ئه‌رێ سه‌روه‌ریا عیراقێ دێ پارێزن یان نه؟
جێگرێ سه‌رۆكێ لیژنا ئاسایش و به‌رگریێ ل په‌ر‌له‌مانى دبێژیت، ” ناهێته پێشبینى كرن پهرلهمان هه‌لویستێ توند به‌رامبه‌ر بۆردوومانێن ئیرانێ هه‌بیت .”
سەگڤان یوسف، جێگرێ دووێ یێ سه‌رۆكێ لیژنا ئاسایش و به‌رگریێ ل جڤاتا نونه‌ران راگه‌هاند، هه‌فپه‌یمانێن ئیرانێ ل جڤاتا نونه‌ران د زورن، ژبه‌روێ چه‌ندێ پێشبینى ناهێته كرن پهرلهمان بشێت هه‌لویستێ توند به‌رامبه‌ر بوردومانێن ئیرانێ بو لسه‌ر ئاخا هه‌رێما كوردستانی هه‌بیت، دوماهى جار تنێ پهرلهمان دشێت وێ هێرشێ شه‌رمزار بكه‌ت.
به‌رى نوكه 125 په‌ر‌له‌مانتاران ئیمزا كومكربوون، لدور بردومانێن ئیرانێ یێن مه‌ها بوورى ل سه‌ر باره‌گایێ حزبێن رۆژهه‌لات كرین.
