راگرێ كۆلیژا پزیشكی یا زانكۆیا دهۆكێ راگەهاند، ب مەرەما پتر خزمەتكرنا زارۆكێن نەخۆش، ئەڤرۆ وركشۆپەك دناڤبەرا كۆلیژا پزیشكی پشكا نشتەگەری و شكەستنا هەستییان و رێڤەبەرییا گشتی یا ساخلەمییا پارێزگەها دهۆكێ ب پشكدارییا نۆژدارێن پارێزگەها بەغدا و نەجەف و كەربەلا و سلێمانییێ و دهۆكێ هاتە ئەنجامدان.
دكتۆر دلدار حاجی، راگرێ كۆلیژا پزیشكی یا زانكۆیا دهۆكێ دیاركر، ب مەرەما چارەسەركرنا ئاریشێن زكماكی ل دەڤ زارۆكان، ئەڤرۆ وركشۆپەك هاتە ئەنجامدان و دوو پشكان ب خوەڤە دگریت: پشكا تیۆری، هەروەسا پشكا پراكتیكی كۆ نۆژدار ب دەستێ خوە دێ چارەسەرییا زارۆكان كەن.
