نێچیرڤان بارزانى، سه‌رۆكێ هه‌رێما كوردستانێ ئه‌ڤرۆ چارشه‌مبى پێشوازى ل نیكۆلاس گارنه‌ر، نوونه‌رێ ئه‌مریكا بۆ كارۆبارێن باكوورێ رۆژهه‌لاتێ سووریا و شاندێ دگه‌لدا كر.
نێچیرڤان بارزانى و نوونه‌رێ ئه‌مریكا بۆ كارۆبارێن باكوورێ رۆژهه‌لاتێ سووریا، گرنگیا به‌رده‌وامیا هاریكاریا هاڤبه‌ش بۆ به‌رهه‌نگاربوونا تیرۆر و مه‌ترسییا داعش گۆتۆبێژكر كو هێشتا مه‌ترسى لسه‌ر سووریا و عیراق و ده‌ڤه‌رێ هه‌یه، هه‌روه‌سا هه‌ردوو ئالییان ب پێدڤى زانى وه‌لاتێن ئه‌ورۆپا بۆ ڤه‌گێرانا وه‌لاتیان ل كه‌مپا ئه‌لهۆل ژ سووریا بۆ وه‌لاتێن وان د هاریكاربن.
سه‌رۆكێ هه‌رێما كوردستانێ و نیكۆلاس گارنه‌ر دووپات ل دوماهیك پێشهاتێن سووریا و عیراق و هێرشێن داعش، په‌یوه‌ندییێن دناڤبه‌را لایه‌نێن كوردى و پێكهاتێن سووریا و ره‌وشا كه‌مپان ب تایبه‌ت كه‌مپا ئه‌لهۆل گۆتۆبێژكر.
نێچیرڤان بارزانى، سه‌رۆكێ هه‌رێما كوردستانێ دیاركر، تیرۆر ب تنێ ب هێزا چه‌كى ژناڤ ناچیت به‌لكۆ بۆ نه‌هێلانا تیرۆرێ دڤێت ب رێكا په‌روه‌ره و هێزكرنا كه‌لتوورێ لێبوورینێ و ئێكدووقه‌بیلكرن و پێكڤه‌ژیانێ، به‌رهنگاربوونا بیر و ئایدۆلۆژیا توندڕه‌وی و توندوتیژى بین.
