سەرۆك بارزانی سەره‌دانا ئێكه‌تییا زانایێن ئایینێ ئیسلامێ ل كوردستانێ كر

ئه‌ڤرۆ چارشەمبی 21 ی ئیلۆنا 2022 ێ” سەرۆك مسعود بارزانی ب هه‌لكه‌فتا 52 ێ یا سالیادا دامەزراندنا ئێكه‌تییا زانایێن ئایینێ ئیسلامێ ل كوردستانێ ل هەولێرێ سەره‌دانا مەكتەبا تەنفیزی یا ئێكه‌تییا زانایێن ئایینێ ئیسلامێ ل كوردستانێ كر، ژ لایێ د. عەبدوڵلا سەعید وەیسی، سەرۆكێ ئێكه‌تییا زانایێن ئایینێ ئیسلامێ ل كوردستانێ و د. پشتیوان سادق، وەزیرێ ئەوقاف و كاروبارێن ئایینی، و  ئەندامێن ئێكه‌تییا زانایێن ئیسلامێ پێشوازی لێ هاته‌ كرن.
سەرۆكێ ئێكه‌تییا زانایێن ئایینێ ئیسلامێ ل كوردستانێ ب ناڤێ هه‌موو زانایێن ئایینێ ئیسلامێ ل كوردستانێ ب خێرهاتنا سەرۆك مسعود بارزانی كر و كورتییه‌ك ده‌ربارەیی مێژوو و كار و ئارمانج و ئەركێن ئێكه‌تییا زانایێن ئایینێ ئیسلامێ ل كوردستانێ به‌رچاڤ كر، گۆت ژی: ئەڤ سەره‌دانا سەرۆك بارزانی سەره‌دانە بۆ مالا هەموو زانایێن ئایینێ ئیسلامێ ل كوردستانێ.
سەرۆك بارزانی جاره‌كا دی پیرۆزباهییا سالیادا دامەزراندنێ ل ئێكه‌تییا زانایێن ئایینێ ئیسلامێ ل كوردستانێ كر، پشته‌ڤانییا خۆ بۆ زانایێن ئایینی ل كوردستانێ دەربری، هیڤی خواست چاوا ل ده‌مێ بوری وان رۆلێ كاریگەر ل هزرا نەتەوەیی و نیشتیمانپەروەری و رەتكرنا ژێردەستی و چەسپاندنا ئاشتییێ و پێكڤەژیانێ و دینداری هەبوویە، ‌ب هەمان ره‌نگ‌ د داهاتی دا د خزمەتكرنا ئایینێ پیرۆزێ ئیسلامێ و بهایێن وێ یێن پیرۆز بەردەوام بن.