سەعدی ئەحمەد پیرە، ئەندامێ مەکتەبا سیاسی یا ئێكه‌تى نیشتمانیی کوردستان راگەهاند، دوماهیك كۆمبوون دناڤبه‌را سه‌رۆك بارزانى و بافل تاله‌بانى ب گشتى لدۆر پرسا هه‌لبژارتنان بوو و هه‌تا نوكه پارتى و ئێكه‌تى لسه‌ر پۆستێ سه‌رۆككۆماریێ نه‌گه‌هشتینه رێككه‌فتنێ، بۆ ڕاگرتنا هاڤسه‌نگیێ دڤێت بۆچوونا هه‌ردوو لایان به‌رچاڤ بهێته وه‌رگرتن.
سەعدی پیرە دیاركر، نابیت خه‌له‌تیێن پشتى هه‌لبژارتنێن پێشوه‌خت دووباره بكه‌ین، هه‌روه‌سا ئه‌و هێرشێن لسه‌ر هه‌رێما كوردستانێ و ده‌ستوورێ عیراق و سیسته‌مێ فیدرال دڤێت ب جددى بهێنه وه‌رگرتن، دڤێت بزانینن چوونا دوو شاندان بۆ دیالۆگا نشتیمانی یا عیراق ب دوو کارتێن جودا، ئانكۆ پارتی و ئێكه‌تى هەر ئێك ب كارتا خۆ، ئه‌ڤه یا باش نینه دڤێت دگه‌ل هه‌مى لایه‌نێن دى یێن كوردستنانێ ب ئێك كارت بەغدا، هێشتا ده‌م مایه پێدڤیه بۆچوونان رێكبخێن و بگه‌هنه ئه‌نجامه‌كێ باش.
