ته‌هران: دڤێت هه‌ولێر و به‌غدا ب خۆ كێشه‌یێن خوه‌ چاره‌سه‌ربكه‌ن

په‌یڤدارێ وه‌زاره‌تا ده‌رڤه‌ یا ئیرانێ راگه‌هاند، كێشه‌یێن دناڤبه‌را هه‌ولێر و به‌غدا دا ناڤخۆینه‌ و دڤێت ئه‌و ب خۆ چاره‌سه‌ربكه‌ن.

ئه‌ڤرۆ 27ى خزیرانا 2022ێ دپرێسكۆنفرانسێ حه‌فتییانه‌ دا، په‌یڤدارێ وه‌زاره‌تا ده‌رڤه‌ یا ئیرانێ سه‌عید خه‌تیبزاده‌ دیاركر، ئه‌و ب هویرى و هه‌ستیارى و ژ نێزیك چاڤدێرییا بابه‌تێن نافخۆیى یێن عیراقێ دكه‌ن كو ئه‌و بابه‌ته‌ كێشه‌یێن نافخۆینه‌ و په‌یوه‌ندى‌ ب عیراقێ ب تنێ ڤه‌ هه‌یه‌.

هه‌روه‌سا سه‌عید خه‌تیبزاده‌ى ئاشكراكر، هه‌رێما كوردستانێ ل سالێن بوورى وه‌سا خوه‌ نیشاندایه‌ كو ب تێگه‌هشتن و ئه‌ده‌بیاته‌كا هه‌ڤپشك گه‌هشتییه‌ حكومه‌تا عیراقێ، و ئیرانێ ژى حه‌زا ئێك رێزى و لێك نێزیكبوونا حكومه‌تا عیراقێ و به‌شێن وێ یێن جودا هه‌یه‌، و نوكه‌ژى هه‌ر ل سه‌ر وێ باوه‌رییێ یه‌ و بزاڤ كرینه‌ هه‌موو لایه‌نێن عیراقێ لێك نێزیك بكه‌ت و كێشه‌یێن دناڤبه‌را وان دا كێم بكه‌ت.