لیزا كاكه‌یی: ژ ئەنجامێ یاسایا چاکسازییێ پتر ژ چار ھزار دومۆچەیی هاتینه‌ راگرتن

لیزا فه‌له‌كه‌دین كاكه‌یی ئه‌نداما لژنا دارایی ل په‌رله‌مانێ كوردستانێ بۆ ئاژانسا خانی دیار كر: ژ ئه‌نجامێ بجهئینانا برگا دویێ و سییێ ژ مادێ سییێ یێ یاسایا چاكسازیێ لژنا بلند یا بایۆمه‌تری و فه‌رمانگه‌ها ته‌كنه‌لۆژییا و زانیارى لژنه‌‌كا تایبه‌تمه‌ند بۆ دووڤچوونا لیست و زانیاریێن وان كه‌سێن دو مۆچه‌‌ هه‌ین پێكئینایه‌ و شیاینه‌ ناڤێ چار هزار و 189  كه‌سان ئاشكرا بكه‌ن كو دو مووچه‌ هه‌نه‌ و و مووچێن وان هاتینه‌ راگرتن .

ئه‌نداما لژنا دارایی گوت ژى: ئه‌و پارێ ژ ئه‌نجامێ راگرتنا دومۆچه‌یێ بۆ خه‌زینا حكومه‌تێ زڤرییه‌ و ملیاره‌ك و 253  ملیۆن دینارن.

ده‌رباره‌یی وه‌رگرتنا قه‌رێن بازرگانى گۆت: هه‌تا نوكه‌ كوژمێ 41 ملیارو 244 ملیۆن دیناران بۆ حكومه‌تێ زڤرینه‌ و 169  مولك ژى هاتینه‌ ره‌هینه‌ كرن و پرۆسه‌ و بجهینانا برگێن دى یێن یاسایا چاكسازیێ د به‌رده‌وامن.