وەزیرێ پەروەردەیا حكومەتا عێراقێ زانیارییێن نوو ل دۆر ئەوان كەسان ئاشكراكر كو پرسیارێن ئەزموونێن قۆناغا 3 ناڤنجی برینە و دبێژیت، “زێرەڤانەکی پرسیارێن ئەزموونان یێن ئاشکرا کرین”.
عەلی حەمید، وەزیرێ پەروەردەیا حكومەتا عێراقێ د كۆنفرانسەکا ڕۆژنامەڤانیدا ئەڤرۆ ئەینی ڕاگەهاند، ” ئەو كەسێ پرسیار برین، زێرەڤانێ ئاڤاهییێ رێڤەبەرییا گشتییا پەروەردەیا ڕەسافەیا دووێ بوویە و كۆپییەكا كلیلێ وێ قاسێ یێ ب دەستكەڤتی کو پرسیار تێدا بووینە.
هەروەسا ئاشكراكر، سێ كەسێن دی ژی د وی کاریدا پشکدارن و ل تۆڕێن جڤاکی ئەو پرسیار یێن فرۆشتین.
