باره‌گایێ بارزانى دراگه‌هاندنه‌كێ دا ده‌رباره‌ى هێرشا شڤێدى یا ل سه‌ر هه‌ولێرێ هاتییه كرن دیاركر، سه‌ربارى سوپاسى و پێزانینێن وان بۆ هه‌لویستێن لایه‌نان، لێ ده‌ربرینا نه‌رازیبوون و ئیدانه‌كرن ب تنێ نابنه چاره‌سه‌ری و پێدڤییه پێنگاڤێن رژد بهێنه هاڤێتن و گه‌له‌ك ب جددى كار بۆ بداوى ئینانا ڤان كریارێن نه مرۆڤانه و نه‌یاسایی بهێته‌كرن.
ده‌قێ به‌یاننامه‌یا باره‌گایێ بارزانى:
سه‌ربارى كو ئه‌و ب توندى ئیدانه‌یا هێرشا ترسنۆكا تیرۆرى یا شڤێدى ل سه‌ر هه‌ولێرێ هاتییه‌كرن دكه‌ین، و رادگه‌هینین ئه‌و ده‌ستێن نیاس و ئاشكرا كو ل پشت ئه‌ڤێ هێرشا تیرۆرى و هێرش و ده‌ست درێژییێن پێش نها مه‌ره‌م و ئارمانجێن وان گه‌له‌ك دروون و ئاشكرانه.
مه پێزانین بۆ هه‌لویست و نه‌رازیبوون و ئیدانه‌كرنا لایه‌نان هه‌یه، به‌لێ دراستیدا ده‌ربرینا نه‌رازیبوونێ و ئیدانه‌كرن ب تنێ نابنه چاره‌سه‌رى، به‌لكۆ پێدڤییه ب كریار پێنگاڤ بهێنه هاڤێتن، و ب جددى كار بۆ هندێ بهێته‌كرن كو داوى ب ڤان كریارێن نه مرۆڤانه و نه یاسایی بهێته‌كرن، كو بێى ئه‌گه‌ر ب دژى وه‌لاتییێن هه‌رێما كوردستانێ و باژێرێ هه‌ولێرێ دهێنه‌كرن.
