ب هه‌لكه‌فتا وه‌غه‌ركرنا نڤیسه‌رێ گه‌لێ مه مامۆستا عه‌زیز گه‌ردى سه‌رۆك مه‌سعود بارزانى په‌یامه‌كا سه‌ره‌خۆشییێ پێشكێشی مالبات و خێزان و هه‌ڤالێن خودی ژێ رازى كر و ئه‌ڤه ده‌قێ وێیه:
بناڤێ خودایێ مەزن و دلۆڤان
ب مخابنیڤه نووچه‌یێ وه‌غه‌ركرنا زانا و نڤیسەر و وەرگێرێ مه‌زنێ كورد دكتۆر عەزیز ئەحمەد عەبدوللا یێ ناڤدار ب (عەزیز گەردی) گه‌هشته مه.
مامۆستا عەزیز گەردی هه‌موو ژیانا خۆ بۆ خزمەتكرنا ره‌وشه‌نبیریا گەلێ خۆ و پێشخستنا كه‌لتوورێ نڤێسین و وەرگێرانێدا تەرخان کر و ستێرەكا گەشا زانست و ئه‌كادیمیا گەلێ كوردستانێ بوو” ژ دەستدانا وى خوسارەتییه‌كا مه‌زنه.
به‌هى و سه‌ره‌خۆشیێن خۆ پێشكێشی خێزان و كەسوكار و هه‌ڤالێن خودێ ژێ رازى عەزیز گەردی و هه‌موو نڤیسەر و مامۆستایێن زانكۆیێ و ئەدیب و ره‌وشه‌نبیرێن كوردستانێ دكەم و خۆ ب هه‌ڤپشكێ خه‌ما وان دزانم.
ژ خودایێ مه‌زن دخوازم گیانێ مامۆستا عەزیز گەردی ب بهەشتا خۆ یا بەرین شاد بكه‌ت و سەبر و هه‌دارێ بده‌ته هه‌موو لایه‌كى.
