وه‌زاره‌تا دارایى و ئابوورى یا هه‌رێما كوردستانێ راگه‌هاند، ئه‌و ب ئیراده‌یا پێشڤه‌برنا چاكسازییێ ل هه‌رێما كوردستانێ دكه‌یفخوشن و د داوى پێنگاڤ دا وان بزاڤ كرییه، ل نێزیكترین ده‌م مووچه‌خور ب رێكا ته‌كنۆلۆجیا بانكان و ب شێوه‌یێ كارت مووچه‌ى وه‌ربگرن.
ئه‌ڤرۆ سێشه‌مبى 31ى گولانا 2022ێ وه‌زیرێ دارایى و ئابوورى یێ هه‌رێمێ ئاوات شێخ جه‌ناب ل دیوانا وه‌زاره‌تێ، پێشوازى ل به‌رپرسێ سیاسى و ئابوورى یێ كونسخانه‌یا ئه‌مریكا ل هه‌رێما كوردستانێ دو تاینتوانج و سه‌رۆكێ یه‌كه‌یا ئابوورى ل كونسخانه‌یێ سێس پاچ كر، ل دۆڤ راگه‌هاندنا وه‌زاره‌تا دارایى و ئابوورى، ل ده‌ستپێكا كۆمبوونێ شاندێ مێڤان داوى پێشهات و گهورینێن ره‌وشێن سیاسى و ئابوورى یێن هه‌رێما كوردستانێ گوتوبێژكرن.
پاشان وه‌زیرێ دارایى و ئابوورى یێ هه‌رێمێ ئاوات شێخ جه‌نابى بۆ شاندێ ئه‌مریكى دیاركر، ئه‌و دكه‌یفخوشن كو ل هه‌رێمێ ئیراده‌یه‌ك بۆ پێشڤه‌برنا پرۆژه‌یێ چاكسازییا سه‌رتاسه‌رى هه‌یه، و وان د داوى بزاڤێن خوه‌دا ب رێكا ته‌كنۆلۆجیا بانكان، بریاردایه ل كێمترین ده‌م مووچه‌خورێن هه‌رێمێ ب شێوه‌یێ كارتان مووچه‌یێن خوه وه‌ربگرن.
