جڤاتا وه‌زیرێن هه‌رێما كوردستانێ ب سه‌رپه‌رشتییا سه‌رۆكێ حكومه‌تێ مه‌سرور بارزانى و جێگرێ وى قوباد تاله‌بانى ئه‌ڤرۆ كۆمبوو و دو پرۆژه یاسا په‌سه‌ند كرن.
د برگا ئێكێ یا كۆمبوونێ دا جڤاتا وه‌زیران ره‌شنڤیسا پرۆژێ یاسایا ده‌سته‌یا باوه‌ردانێ ب دامه‌زراندن و پرۆگرامێن په‌روه‌ردێ و خواندنا بلند ل هه‌رێما كوردستانێ ئێخسته د ده‌نگدانێ دا، پشتى خواندن و بجهئینانا وان تێبینی یێن پێش نها ل سه‌ر پرۆژه‌ى هاتینه دان، ب به‌هرا پترا ده‌نگان پرۆژه هاته په‌سه‌ندكرن و بریار هاته دان بۆ په‌رله‌مانێ كوردستانێ بهێته ئاراسته‌كرن داكو بهێته ته‌شریع كرن.
د برگا دووێ یا كۆمبوونێ دا، جڤاتا وه‌زیران دانوستاندن ل سه‌ر رێكخستنا جڤاتا كاروبارێن په‌ترۆل و گاز و وزێ ل هه‌رێما كوردستانێ و پێكهات و ئه‌ركێن وێ كر، پشتى دانوستاندن و گوهۆرینا بیر و بۆچوونان، جڤاتا وه‌زیران بریار دا كو باشتر خواندنا ڤى بابه‌تى بهێته كرن و ب میكانیزم و شیێوازه‌كێ باش جڤاتێ رێكبێخیت كو ل ئاستێ به‌رپرسیاره‌تییا جڤاتێ بیت.
