سه‌رۆكێ هه‌رێما كوردستانێ نێچیرڤان بارزانى و بالیۆزێ رووسییا ل عیراقێ ئیلبروس كوتراشێڤ كۆمبوون و دووپاتى ل دانوستاندنان بۆ ده‌ربازكرنا ئاسته‌نگێن دكه‌ڤنه درێیا پرۆسا سیاسى یا عیراقێ دا هاته كرن.
سه‌رۆكاتییا هه‌رێما كوردستانێ دراگه‌هاندنه‌كێ دا دیار كر، دكۆمبوونا سه‌رۆك نێچیرڤان بارزانى و بالیۆزێ رووسییا دا داوى پێشهاتێن سیاسى یێن عیراقێ و گیروبوونا پرۆسا هه‌لبژارتنا سه‌رۆككۆماری و پێكئینانا حكومه‌تا نوو، هه‌روه‌سا په‌یوه‌ندییێن رووسییا ل گه‌ل عیراق و هه‌رێما كوردستانێ و په‌یوه‌ندییێن هه‌ولێر و به‌غدا هاتنه گوتوبێژكرن ” دووپاتى ل پێدڤییا دانوستاندنان و گه‌هشتنا هێز و لایه‌نێن عیراقێ و هاریكارییا هه‌ڤپشك بۆ لێك تێگه‌هشتن و رێككه‌ڤتنێ لسه‌ر ده‌ربازكرنا ئاسته‌نگ و ئالوزیێن پرۆسا سیاسى یا عیراقێ هاته كرن.
لدووڤ راگه‌هاندنا سه‌رۆكاتییا هه‌رێمێ، شه‌ر و پێكدادانێن ئوكرانیا و كارتێكرنا وان ته‌وه‌ره‌كێ دى یێ كۆمبوونێ بوون و هه‌ردو ئالییان هیڤیى خواستن ب زووترین ده‌م شه‌ر و پێكدادان ب داوى بهێن.
هه‌روه‌سا داوى پێشهاتێن ده‌ڤه‌رێ ب گشتى و چه‌ند بابه‌تێن دى یێن گرنگ و هه‌ڤپشك د كۆمبوونێ دا هاتنه به‌حسكرن.
