سه‌رۆكێ هه‌رێما كوردستانێ ل ‌گه‌ل باليۆزێ به‌لژيكا كۆمبوو

ئه‌ڤرۆ دوشه‌مبی 2022/5/9 ێ ” نێچيرڤان بارزانى، سه‌رۆكێ هه‌رێما كوردستانێ، ‏‏پێشوازى ل فيليب ڤاندین بولك، باليۆزێ به‌لژيكا ل ئوردنێ و عيراقێ كر.‏

د وێ كۆمبوونێ دا گرنگیدان ب‌ په‌يوه‌نديێن عيراقێ و هه‌رێما كورستانێ ل گه‌ل ‏‏به‌لژيكا، ڕۆلێ به‌لژيكا ل‌ چارچۆڤێ هه‌ڤپه‌يمانيیا نێڤده‌وله‌تيیا ل دژى داعشێ، داوی ‏‏پێشكه‌فتنێن پرۆسا سياسيیا عيراقێ و په‌يوه‌نديێن هه‌ولێر ـ به‌غدا، هاتنه‌ به‌حس كرن.‏

هه‌ردو ئالییان دووپاتییا گرنگیدانا په‌يوه‌ندييان و به‌رفره‌هكرنا بیاڤێن هاريكاريیا هه‌ڤپشك كر‌ و هه‌ڤڕا بوون كو داعش هێشتا مه‌ترسييه‌كا ڕاسته‌قينه‌يه‌ و ‏‏گه‌فان ل ئاسايشا عيراقێ و ڤێ ده‌ڤه‌رێ دكه‌ت، بۆ ڤێ ژی  عيراقێ پێدڤى ب ‏‏به‌رده‌واميیا پشتگيريیا نێڤده‌وله‌تى هه‌يه‌.‏

باڵيۆزێ به‌لژيكا سوپاس و پێزانينێن وه‌لاتێ خوه‌ بۆ ڕۆلێ هه‌رێما كوردستانێ د ‏‏به‌رهنگاربوونا داعشێ و قوربانيێن پێشمه‌رگه‌یی ده‌ربرین و دووپات کر‌ کو وه‌لاتێ وی وه‌کو هه‌ڤپشكه‌كی پابه‌ند دێ‌ ب‌ پشتگیرییا عیراقێ و هه‌رێما کوردستانێ ‏مینیت‌. ‏

ژ ئالییێ خوه‌ڤه‌ سه‌رۆك نێچيرڤان ‏بارزانی سه‌ره‌رایی ده‌ربڕینا سوپاس و پێزانینێن هه‌رێما ‏كوردستانێ بۆ پشتگيرى و هاریكاريێن به‌لژيكا ل‌ ‏شه‌رێ دژى تيرۆرێ دا، دووپاتی ل پێدڤییا هاریکاری و هه‌ماهه‌نگییا دناڤبه‌را سوپایێ عیراقێ و پێشمه‌رگه‌یی کرب ‌تایبه‌تی ل وان ده‌ڤه‌رێن ڤالاهییێن ئه‌منی هه‌ین‌.‏

ره‌وشا شنگالێ و ئاواره‌بوونا خه‌لكێ وێ ده‌ڤه‌رێ ژ ئه‌نجامێ پێشهاتێن‌ ئه‌منی، ‏ئه‌رک و کارێن یوونیتادێ ل عیراقێ، ره‌وشا ناڤخۆیی یا هه‌رێما کوردستانێ و گرنگییا گوتۆبێژان بۆ لێک تێگه‌هشتنێ، پرسا ئازادییان و ئازادییا ڕاده‌ربڕینێ، په‌ژیكا كۆرۆنایێ و ‏کاریگه‌ریێن وێ، داوی پێشهاتێن شه‌ری و پێكدادان ل‌ ئۆكراينا و لێکكه‌فتێن وێ، ‏ره‌وشا ڤێ ده‌ڤه‌رێ ب ‌گشتى، ته‌حه‌دیێن ئه‌ڤرۆ یێن جیهانێ، چه‌ند ته‌وه‌رێن دی یێن وێ ‏كۆمبوونێ‌ بوون.‏