دهۆك دێ پشكا خوه‌ ژ گه‌نمێ عیراقێ وه‌رگریت.

رێڤه‌به‌رێ بازرگانییا ده‌خل و دانی ل پارێزگه‌ها دهۆكێ نازم ئه‌رتوشى بۆ ئاژانسا خانى راگه‌هاند، ژ وى گه‌نمێ عیراقێ ژ وه‌لاتێن بیانى كری پشكا پارێزگه‌ها دهۆكێ هاتییه‌ هنارتن.

گوت ژى: ئه‌و گه‌نمێ نها دكوگه‌هان ڤه‌ 3460 ته‌نێن گه‌نمێ هاورده‌یه‌ و 1300 ته‌ن یێن گه‌نمێ خومالى نه‌، و دێ ل سایلۆیا شێخان هێته‌ كوگه‌هكرن و بسه‌ر بریكارێن به‌لاڤكرنا ئه‌رزاقى دا هێته‌ دابه‌شكرن، كو قۆناغا ئێكێ 37%ێ هاتییه‌ به‌لاڤكرن.

ده‌رباره‌ى پشكا پارێزگه‌ها دهۆكێ ژ وى گه‌نمێ هاورده‌ ئه‌لمانى كو دێ هێتن راگه‌هاند، دێ پتر ژ هزار و 599 ته‌نێن گه‌نمى ب به‌ر پارێزگه‌ها دهۆكێ كه‌ڤن.

لداوییێ نازم ئه‌رتوشى دیاركر، ل رۆژا شه‌مبییا بهێت دێ وى گه‌نمى برێكا كارگه‌هه‌كێ تاقیكه‌ن و ئه‌گه‌ر ئار یێ درووست بوو دێ ده‌ست ب به‌لاڤكرنا وى كه‌ن.