سۆپایێ توركیا ئۆپه‌راسیۆنه‌كا نوى یا له‌شكه‌رى بۆ سه‌ر گه‌ریلایێن په‌كه‌كێ ل باشوورێ كوردستاێ ده‌ستپێكر.
سپێده‌هییا ئه‌ڤرۆ ( 18/4/2022 ) وه‌زاره‌تا به‌رگرییا توركیا دیمه‌نێن ده‌ستپێكرنا ئۆپه‌راسیۆنا خۆه یا له‌شكه‌رى یا نوى ل باشوورێ كوردستانێ د توویته‌رێ خۆه دا به‌لاڤكرن.
خۆلۆسى ئاكار، وه‌زیرێ به‌رگرییا توركیا راگه‌هاند، سۆپایێ وان ب رێیا ئه‌سمانى و هشكاتییێ ئۆپه‌راسیۆنه‌ك ل ده‌ڤه‌رێن مه‌تین، زاپ و ئاڤه‌شین ل باشوورێ كوردستانێ ده‌ستپێكر.
دیار ژى كر، ئه‌و ئۆپه‌راسیۆن وه‌ك پلان بۆ هاتیه دانان ب رێڤه‌دچیت و ئه‌و ئارمانجا ل قۆناغا ئێكێ هاتییه‌دانان، بده‌ستهات.
ناڤه‌ندا راگه‌هاندنا هێزێن هه‌په‌گێ ژى كۆ بالێ له‌شكه‌رى یێ په‌كه‌كێ یه راگه‌هاند، سۆپایێ توركیا ب فرۆكێن جه‌نگى و تۆپان هێرشه‌كا چر یا ئه‌سمانى و هشكاتى بۆ سه‌ر ده‌ڤه‌را زاپ ده‌ستپێكرییه. سۆپایێ توركیا هێز ئینایه چیایێ ره‌ش و زاپێ و ل هه‌ردوو جهان شه‌ر ده‌ستپێكرییه، لێ وان رێ ب هێزێن توركیا نه‌دا پێشڤه‌چوونان بكه‌ن.
