ب هه‌لكه‌فتا 43 سالییا دامه‌زراندنا بزاڤا دیموکراتیا ئاشووری دا نێچیرڤان بارزانی، سەرۆکێ هەرێما کوردستانێ راگەهاند، “ب گه‌رمى پيرۆزباهییێ ل سه‌ركردايه‌تى و رێكخستن و ئه‌ندام و لايه‌نگر و جه‌ماوه‌رێ بزاڤا ديموكراتیا ئاشوورى دكه‌ین و هيڤیا سه‌ركه‌فتنێ بۆ دخوازین.
سەرۆکێ هەرێما کوردستانێ ئاماژه ب وێ چه‌ندێ كر، دڤێ هه‌لكه‌فتى دا “رێزێ ل خه‌بات و تێكۆشان و قوربانييا بزاڤا ديموكراتیا ئاشوورى دگرین و ئاماده‌يى و بزاڤ و پێگه‌هێ وێ ل پرۆسێسا سياسيدا بلند د سه‌نگینین.
نێچیرڤان بارزانی گۆت ژی، هه‌رێما كوردستانێ وه‌ك هه‌رده‌م ب پێكڤه‌ژيان و ته‌بايى و ئێكدو قه‌بوولكرن و لێبورینێ بۆ سه‌رجه‌م پێكهاتان دێ مینیت و هه‌مى ب پێكڤه كار بۆ وێ چه‌ندێ بكه‌ین ماف و ده‌ستكه‌فتێن هه‌موویان د پاراستى بن.
