ده‌فته‌را سیاسی یا حزبا دیموكراتا كوردستانێ ( حدك) راگه‌هاندنه‌ك د بوارێ دیاركرنا دو سیخوران، سه‌باره‌ت موشه‌ك بارانكرنا قه‌لایا دیموكرات ل كویێ راگه‌هاند: دوو كه‌سان سیخوری بۆ وه‌لاتێ ئیرانێ دكر هاتینه گرتن.
ل 8-9-2018 كومبۆنه‌كا كومیته‌یا ناڤه‌ندی یا حزبا دیموكراتا كوردستان (حدك) ل كویێ ئیرانێ موشه‌ك بارانكر، ژ ئه‌نجامێ وێ 16 كه‌سان گیانێ خوه ژده‌ستدا، 6 ژوان ئه‌ندامێن سه‌ركردایه‌تیا ئه‌ڤێ پارتێ بوون.
ل 14-12-2021 و د كۆمبونه‌كا ده‌فته‌را سیاسی یا حدك ئه‌و چه‌نده راگه‌هاند، كومیته‌یا ئێمناهیا پارتا وان پشتی دووڤچۆنه‌كا هویر شیان دوو كه‌سا ده‌ستنیشان بكه‌ن، وه‌ك سیخور بوو وه‌لاتێ ئیرانێ كار كریه و هاتینه ده‌سته‌سه‌ركرن ژ ئالییێ وان ڤه و كارێ وان پێشمه‌رگایه‌تی بوو لناڤ رێزێن هێزێن وان دا كو خه‌لكێ سونه‌یا رۆژهه‌لاتـێ كوردستانێ نه.
د راگه‌هاندنێ دا ناڤێن وان هه‌ردو سیخوران هاتیه ئاشكه‌راكرن ئێك بناڤێ ( كه‌یوان سوران فه‌یزی) و( فه‌راز سه‌له‌واتی).
د پشكه‌كا دی یا رونگرنێ دا هاتیه، ئه‌وان هه‌ردو سیخور راده‌ستی دادگه‌ها هه‌رێما كوردستانێ كرینه و خواستیه سزا بوو بهێته دانان.
