“ئه‌ڤین دوو گیانبوو و پێنج زاروك ژى هه‌نه”
ئه‌ڤین عیرفان، ئافره‌ته‌كا گوندێ وه‌رمێلێ یه و ل زاخۆ دژیت، ده‌ما دوو هه‌یڤایه دگه‌ل هه‌ڤژین و زارویێن خوه رێیا بیلاروسیا گرته‌به‌ر داكو خوه بگه‌هینن ئه‌ورۆپا، به‌لێ پشتى دوو هه‌یڤان ل پۆله‌ندا گیانێ خوه ژ ده‌ست دا.
رێبار وه‌رمێلى، پسمامێ وێ بۆ ئاژانسا خانى گۆت، ئه‌ڤین عیرفان ل رێكه‌فتى 4/10/2021ێ دگه‌ل هه‌ڤژین و پێنج زارویێن خوه ل زاخۆ به‌ر ب وه‌لاتێ بیلاروسیا چوینه ب مه‌ره‌ما وێ یه‌كێ خوه بگه‌هینن ئه‌ورۆپا.
زێده‌تر گۆت، ده‌ما كو دگه‌هنه بیلاروسیا قه‌ستا پوله‌ندا دكه‌ن، پشتى بورینا ده‌مه‌كێ ئه‌ڤین نه‌خۆش دبیت ژ به‌ركو ئه‌ڤین یا ب دوو گیان بو و د هه‌یڤا پێنجێ دابوو، د وێ ره‌وشێ دا زارویێ وێ ژ به‌رچوو و پشتى 21 رۆژان ل نه‌خۆشیێ ل نه‌خۆشخانه‌كا پۆله‌ندا گیانێ خوه ژ ده‌ستدا.
