ئه‌ڤرۆ سێشەمبى، 6 ته‌موزا 2021 ل سەلاحەدین سەرۆك مەسعود بارزانی پێشوازی ل ئیلبروس كوتراشیڤ بالیۆزێ نوو یێ رووسیا ل ئێراقێ و شانده‌كێ ل گه‌ل دا كر.
د وێ دیدارێ دا بیرورا ده‌ربارەی داوى پێشهات و گوهۆرینێن سیاسی ل سەر ئاستێ ئێراقێ و سووریێ و ڤێ ده‌ڤه‌رێ و هێرشێن تیرۆرێ هاتنه ئالوگور كرن، سەرۆك بارزانی دووپاتى ل هندی كر، كو ریشەكێشكرنا تیرۆرێ بزاڤه‌كا هەمە لایەنى و نێڤدەولەتی یه، ب پێدڤى زانى كو بزاڤ بۆ ژناڤبرنا تیرۆرێ ل ئێراقێ و سووریێ بهێته هه‌ڤده‌م و هه‌ڤتەریب كرن.
هەر د وێ دیدارێ دا تەحەدیاتێن ل هه‌مبه‌ر پڕۆسا سیاسی یا ئێراقێ و هەلبژارتنێن داهاتى یێن ئێراقێ خستنه به‌ر به‌حس و گوتۆبیژان.
پەیوەندیێن دناڤبه‌را هەرێما كوردستانێ و رووسیا تەوەره‌كی دیتر یێ وی دیدارێ بوو، سەرۆك بارزانی هیڤییا سەركەفتنێ بۆ بالیۆزێ نوو یێ رووسیا ل ئێراقێ خواست د ئەرك و چالاكیێن وى دا.
