مسته‌فا كازمی: داخواز ژ ئێرانێ و ئه‌مه‌ریكا كرییه‌ د عێراقێدا به‌رهنگارى ئێك نه‌بن

سه‌رۆك وه‌زیرێن  عێراقا ئیتیحادی، مسته‌فا كازمی راگه‌هاند، كو وى داخواز ژ  كۆماری ئیسلامییا ئێرانێ و ئه‌مه‌ریكا كرییه‌، د عێراقێدا روو ب روو ئێك نه‌بن. 

د لێدوانه‌كا رۆژنامه‌ڤانیدا، بۆ ئاژانسا فرانس پرێس، مسته‌فا كازمی راگه‌هاندییه‌، كو حكومه‌تا وى د بزاڤاندا به‌رده‌وامه‌ كو عێراق به‌ره‌ڤ چ كاره‌ساتان نه‌چیت.

گۆت ژى: ب ئه‌گه‌رێ روودانا پایزا 2019ێ عێراق د قوناغه‌كا نه‌هه‌مواردا بوو و هێشتا ئاسته‌نگ و هه‌ره‌شه‌ ژى ماینه‌.

كازمى د دیداره‌كێدا ل گه‌ل رۆژنامه‌یه‌كا ئیتالى به‌حسێ هندێ ژى كر، كو حكومه‌تا وى داخواز ژ ئیرانێ و ئه‌مریكا كرییه‌ كو ل سه‌ر ئاخا عێراقێ روو ب رووى ئێكدوو نه‌بن و خوه‌ ژ هه‌ڤركیێ ب پارێزن.

ئاماژه‌ ب هندێ ژى دایه‌، ئه‌گه‌ر ئیران و ئه‌مریكا د دانووستاندنێن تایبه‌ت ب وزه‌یا ناوه‌كى یا ئیرانێ بگه‌هنه‌ رێكه‌فتنێ، كاریگه‌رییا ئه‌رێنى ل سه‌ر ره‌وشا ئێمناهیی و سه‌قامگیرییا سیاسییا عیراقێ بیت.