حكومه‌تا هه‌رێمێ نه‌رازیبوونا خوه‌ گه‌هانده‌ حكومه‌تا توركیا

حكومه‌تا هه‌رێما كوردستانێ دلگرانی و نه‌رازیبوونا خوه‌ همبه‌ری داربڕین و زیانكه‌هاندنێ ب سروشتێ كوردسانێ دیار كر و ب فه‌رمی حكومه‌تا توركیا ئاگه‌هدار كرییه‌ كو داویێ ب برینا داران ل ده‌ڤه‌رێن سنۆری بینیت و ئاشكرا كرییه‌ ئه‌و كار جهێ قه‌بوول كرنێ نینه‌.

حكومه‌تا هه‌رێما كوردستانێ دوپات كر كو هه‌بوونا چه‌كدارێن په‌كه‌كێ ل ناڤا سنۆرێن هه‌رێما كوردستانێ و ب تایبه‌ت ل ده‌ڤه‌رێن سنۆری، بوویه‌ ئه‌گه‌رێ هاتنا هێزێن سوپایێ توركیا و دروستبوونا شه‌ر و په‌ڤچوونان د ناڤبه‌را هه‌ردو ئالییان دا، له‌ورا دخوازن رێزل سه‌روه‌ریا ئاخا ئیراقێ و هه‌رێما كوردستانێ بهێته‌ گرتن و ئێدی ڤێ ده‌ڤه‌رێ تووشی ده‌رده‌سه‌ری و ئاواره‌بوونێ و مالوێرانیێ نه‌كه‌ن.