پەرلەمانتارهكێ هەدەپێ بۆ خانی نیوز راگههاند؛ هەلوهستێ هەدەپێ ل دۆر داگیرکرنا دەڤەرێن سنوری یێن باشوورێ کوردستانێ وەک چاڤێ روژێ دیارە و ب هەموو رەنگان ل دژی هێزێن تورکیا شهڕ دكهن.
فەرهاد ئەنجویی، پەرلەمانتارێ هەدەپێ ل تورکیا تایبەت بۆ خانی نیوز پشت راست كر، بابهتێ تێکدانا ژینگەهێ و برینا داران نە بابەتەکێ نوو یە، ژدەستپێکا ئۆپهراسیۆنێن تورکیا بۆ دەڤەرێن باشوورێ کوردستانێ هەرجهێ تورکیا خالێن خوە یێن لەشکەری لێ داناین وێ دەڤەرێ ب رێکا چەتەیا و دیسان کۆمپانیا گرێ بەست هەنە ب هزارا کامیونێن داران هاتینە برین و فرۆتن.
فەرهاد ئەنجویی گۆت ژی: هەدەپێ بابەتێ داربڕینێ گەهاندیە ناڤا پەرلەمانێ تورکیا داكو داربرین بێتە راوەستاندن و ههژمارهكا گوندیێن سنورێ زاخۆ هاتینە پارێزگەها شرنەخێ وەک نەرازیبون بهرامبهر برینا داران ل سهر ئهردێ وان، لێ تورکیا ژ ترسا دا ب هەموو رەنگا کوردا ئەنفال دکەت و ئەو ژی نەبابەتێ گوندەکى یان حزبەکێ یە، بابەتێ نەتەوهی یە پێدڤی ب ئێك رێزیا کوردایه.
پەرلەمانتارێ هەدەپێ ژ ئالییهكێ دی ژی گۆت: پێدڤییە پارتی و حکومەتا هەرێمێ ب جدی کار ل سەر راوەستاندنا شهڕی بكهن و دیسان ئەنفالکرنا ژینگەها باشوورێ کوردستانێ ب دەستێ تورکیا بێتە راوەستاندن و ب بێ دهنگیێ ژی دێ باجەکا مەزن دەن و كهڤن بهر نهفرهت دیرۆكێ.
