ئیران دخوازیت رێككه‌فتنه‌كێ دگه‌ل ئیراقێ ئیمزا بكه‌ت

حكومه‌تا ئیرانێ بزاڤا ئیمزاكرنا رێككه‌فتنه‌كا پێنج سالى بۆ دیتنا ده‌لیڤێن كارى بۆ وه‌لاتیێن هه‌ردو وه‌لاتان دگه‌ل حكومه‌تا ئیراقێ دكه‌ت.

محه‌مه‌د شه‌ریعه‌تمه‌دارى، وه‌زیرێ كار یێ ئیرانێ ئه‌ڤرۆ ب سه‌ره‌دانه‌كێ گه‌هشه‌ به‌غدایا پایته‌ختێ ئیراقێ، ل گۆره‌ى نووچه‌یێن ئاژانسا ئیرنا یا ئیرانى، شه‌ریعه‌تى ئاشكرا كرییه‌‌، وه‌لاتێ وى بزاڤان دكه‌ت رێككه‌فتنه‌كا پێنج سالى دگه‌ل ئیراقێ بۆ دیتنا ده‌لیڤێن كارى بۆ وه‌لاتییێن هه‌ڤدو ئیمزا بكه‌ن.

دیار ژى كر، ل گۆره‌ى وێ رێككه‌فتنێ هه‌ردو وه‌لات دشێن كۆمپانییێن هه‌ڤپشك دروست بكه‌ن پێخه‌مه‌ت ب هێزكرنا په‌یوه‌ندیێن به‌غدا و ته‌هرانێ.

ل گۆره‌ى بۆچوونا شه‌ریعه‌تمه‌دارى، پێشخستنا په‌یوه‌ندییێن ته‌هرانێ و به‌غدا مه‌رجێ ده‌ستپێكى یێ بجهئینانا سیاسه‌تا نوو یا ئیرانێ یه‌ كو سیاسه‌تا ڤه‌كرنا بازارێن وه‌لاتێن جیرانه‌ ب روویێ به‌رهه‌مێن وان.

ئاشكه‌را ژى كر، ده‌مه‌كێ درێژه‌ وه‌لاتێ وى كار ل سه‌ر ئیمزاكرنا ریكه‌فتنه‌كا پێنج سالى دگه‌ل ئیراقێ دكه‌ت.