ب هه‌لكه‌فتا په‌سه‌ندكرنا بودجه‌ی ژ ئالیێ جڤاتا نوونه‌رێن ئیراقێ ده‌ستخۆشیێ ل هه‌موو ئالیێن سیاسی یێن كوردستانی و ئیراقی دكه‌ت، هه‌روه‌سا سوپاسییا شاندێ حكومه‌تا هه‌رێم و فراكسیۆنێن كوردستانی و فراكسیۆنێن دی یێن ناڤا جڤاتا نوونه‌رێن ئیراقێ كر كو ب ماندیبوون و ب هیمه‌تا وان شییان ل گه‌ل یه‌ك بگه‌هن ئه‌نجامێن باش و پشكا هه‌رێما كوردستانێ ژی د بودجه‌یێ ئیراقێ دا جێگیر بكه‌ن.
سه‌رۆك بارزانی د په‌یاما خوه دا دیاركرییه، په‌سه‌ندكرنا بودجه‌یێ ئیراقێ، گاڤه‌كا پۆزه‌تیڤ و ب ئاراسته‌یا دروسته و هیڤیخوازن كو ده‌ستپێكه‌ك بیت بۆ بهێزكرنا بنه‌مایێن دیالۆگ و پێكڤه‌ژیانێ و هه‌روه‌سا ڤه‌گه‌ریانا بنه‌مایێن شه‌راكه‌تێ دنێڤبه‌را پێكهاته‌یێن ئیراقێ دا.
