مەحما خەلیل: مۆلەت دەربازبوو و پەکەکە دەرنەکەڤت

مەحما خەلیل، دەڤەردارێ شنگالێ راگەهاند؛ چەندین جارانه‌ ئارتێشا ئیراقێ مۆلەتا ددەتە پەکەکێ، لێ پەکەکێ مۆلەتان دەرباز دکەت بێی كو گوهـ لێ بگریت.

مەحما خەلیل بۆ خانی نیوز گۆت: پەکەکە زمانێ دیالۆگێ تێناگەهیت و باورناکەم ژ شنگالێ ژی دەرکەڤیت ژ به‌ركو ئەڤە چەندین جارانه‌ مۆلەتان ددەنە پەکەکێ و دەرناکەڤن.

خەلیلی ئاماژە كر، حکومەتا عیراقێ ڤی کاری دکەت داکوو وەک سیناریۆییەک بۆ ڕاییا گشتی دیارکەت ئەو سەروەرییا ئاخا ئیراقێ دپارێزن.

دیارژی کر، ئیرۆ داوی مۆلەت بوو و پەکەکە خۆ بۆ شەری ئامادەکرییە، لێ ئارتێشا عیراقێ ب جددی کارنەکرییە کو پەکەکێ ژ شنگالێ ده‌رئێخیت.

خانی نیوز، کاروان باعەدری